Class 9 Gujarati Vyakaran વિશેષણ

Class 9 Gujarati Vyakaran વિશેષણ

GSEB Std 9 Gujarati Vyakaran Visheshan

Std 9 Gujarati Vyakaran Visheshan Questions and Answers

પ્રશ્ન 1.
વિશેષણ કોને કહે છે?
ઉત્તર :
(નામ) સંજ્ઞા પહેલાં આવતા અને સંજ્ઞાની વિશેષતા (આકાર, રંગ, અવસ્થા કે સંખ્યા) દર્શાવતા શબ્દને “વિશેષણ’ કહે છે. દા. ત.,

• મોટું ટીવી
• ચોરસ ડિઝાઈન
• કાળી છત્રી
• ભૂખ્યો સિંહ
• વીર ભામાશા
• બે સ્ત્રીઓ

પ્રશ્ન 2.
વિકારી વિશેષણ કોને કહે છે?
ઉત્તર :
જે વિશેષણમાં નામ-વિશેષ્યના લિંગ-વચન અનુસાર બદલાવ આવે તેને “વિકારી વિશેષણ’ કહે છે.

દા. ત.,
મોટાં ઝાડ, મોટો ભાઈ, મોટી પ્રાર્થના
ખાટી છાશ, ખાટું ફળ, ખાટો સ્વાદ

પ્રશ્ન 3.
અવિકારી વિશેષણ કોને કહે છે?
ઉત્તર :
જે વિશેષણમાં નામ-વિશેષ્યના લિંગ-વચન અનુસાર બદલાવ ન આવે તેને “અવિકારી વિશેષણ’ કહે છે.

દા. ત.,
સુંદર ચિત્ર, સુંદર બાળકો, સુંદર દશ્ય
સફેદ કાગળ, સફેદ શર્ટ, સફેદ પક્ષીઓ
મહેનતુ ખેડૂત, મહેનતુ વિદ્યાર્થીઓ, મહેનતુ સ્ત્રીઓ

પ્રશ્ન 4.
વિશેષણના પ્રકાર ઉદાહરણ આપી જણાવો.
ઉત્તર :
વિશેષણના પ્રકાર નીચે મુજબ છે :

વિશેષણ સ્વાધ્યાય

પ્રશ્ન. 1.
નીચેનાં વાક્યોમાંથી વિશેષણ શોધીને લખો:

(1) દાદા ગરમ ચા પીએ છે.
(2) જૂઠી કીર્તિના ભૂતને ભગાડો.
(3) દુનિયાના શ્રેષ્ઠ પ્રાર્થનાસંગ્રહોમાં એનું અગ્રસ્થાન છે.
(4) મિત્રનો મોટો દીકરો આવ્યો.
(5) બે-ત્રણ દિવસ મેં કોઈ ઇલાજ કર્યો નહીં.
(6) રીમાએ સુંદર ગીત ગાયું.
(7) મારાં વૃદ્ધ માસી પૂજાનું ચંદન ઘસતાં હતાં.
(8) મેં બે લાડુ ખાધા.
(9) તે સાવ ગરીબ છે.
(10) મારું ઘર મોટું છે.
ઉત્તરઃ
(1) ગરમ
(2) જૂઠી
(3) શ્રેષ્ઠ
(4) મોટો
(5) બે-ત્રણ, કોઈ
(6) સુંદર
(7) વૃદ્ધ, પૂજાનું
(8) બે
(9) સાવ
(10) મારું